Кога избирате боја за спалната соба, немојте одлуката да ја оставите на случаен избор. Спалната соба е место каде се одмарате после напорниот ден, а добриот сон е неопходен за добро здравје и справување со секојдневните обврски. Затоа, бидете внимателни кога избирате боја која ќе доминира во оваа соба, изберете боја која ќе ве релаксира и смири… Изберете боја која ќе ви овозможи длабок сон. Бидејќи сите ние сме различни помеѓу себе, бојата на нашата спална соба треба правилно да ја избереме во согласност со нашите интереси и потреби.
Еве неколку бои кои може да се употребат во спалната соба, со цел да создадат амбиент за релаксација, смирување и подобрување на расположението.
Сина
Дава чувство на свежина и прозрачност. Таа ќе помогне да се опуштите и да добиете нова енергија. Истражувањата покажуваат дека луѓето со сини спални соби спијат највеќе, 7 часа и 52 минути по ноќ. Сината боја се поврзува со тишината и тоа може да го намали вашиот крвен притисок. Повеќе од половина од луѓето кои спијат во сини спални соби велат дека редовно се будат среќни.
Жолта
Изненадувачки, втората најдобра боја за спиење е жолтата. Сончевата боја го стимулира нервниот систем, поттикнувајќи релаксација. Жолтата боја ќе побуди чувство на оптимизам и среќа.
Зелена
И зелената боја не е случаен избор. 22% од испитаниците кои спиеле во зелена спална соба изјавиле дека се разбудиле позитивни и оптимистички. При влегување во соба во која доминира оваа боја ќе имате чувство дека сте во природа која ви носи мир и спокој. Светло зелената има позитивна енергија која се поврзува со свежина, пролет, бујност, живост.
Портокалова
Нијансите на портокалова боја создаваат топлина за мускулите и овозможува тие да се релаксираат, што е од суштинско значење за квалитетен сон. Од друга страна, портокаловите нијанси помагаат во варењето на храната – особено ако сте јаделе обилна вечера.
Виолетова
Се сретнува и под називот “кралска” боја, па така освен отпуштањето, ќе може да се почувствувате амбиент на богатство и раскош кој го носи со себе. Но, бидете внимателни со изборот на оваа боја, затоа што оваа боја е многу ментално стимулативна, што може да ви донесе потешкотии во одмарањето после напорниот ден. Најпрвин оценете дали оваа боја е соодветна за вас.
Боја на праска
Уште една боја која е одлична за вашата спална соба. Бојата на праска е модерна, шармантна и обезбедува весела и свежа енергија. Има многу нијанси на оваа боја, одлучете се за онаа која најмногу ви одговара.