Индустрискиот стил како таков за прв пат се појавил во 60тите години во Америка во Њујорк каде што напуштените фарбрики почнале да ги преуредуваат во станбени простори. Ваков вид на станови најчесто се појавува во урбаните делови и се карактеризира со големи простории и високи плафони, но може да послужи и како инспирација за уредување на помал дом.
За да се постигне чуство на индустриски уреден простор обично се користат неутрални нијанси како што е сивата, земјени нијанси и природни тонови. Со овие едноставни бои и разни декорации ќе му се даде живост на просторот. Неутралната боја на ѕидовите придонесува чуство на поголем и поотворен простор. Исто така облежје на овој стил се и ѕидовите од цигла, едноставни метални конструкции на скалите, во декорациите, лустерите и слично како и употреба на природни матерјали. Пристутна е и голема количина на природна светлина која доаѓа од големите прозорци. За индустрискиот стил е сосема нормално дури и пожелно да се гледаат цевки од парно, вода и слично. Подовите се по правило дрвени за да донесат повеќе автентичност на просторот но и за да можат да го направат полесен за загревање.
Во секој случај овој стил може да го направи Вашиот простор поинаков од конвенционалните начини на уредување каде што ќе можете да ја искажете Вашата оригиналност и креативност.