Модерен станбен објект во населба Кисела Вода, на ул. Вера Јоциќ бр.9, спроти влезот на економското училиште Васил Антевски Дрен. Одлична локација на само 15тина минути пеш до градскиот плоштад. Се наоѓа во непосредна близина на објектите кои ги имаме градено на ул. Боте Боцевски 1Г и на ул. Мишко Михајловски бр.57.
Водено е сметка при избор на локацијата за градење која се наоѓа во високо урбанизирана средина. Исто така кога се избираше локацијата е посветено внимание на тоа да објектот да се наоѓа во чиста околина, така што во близина има многу зеленило, голем број на паркови и детски игралишта каде може да го поминувате времето со вашите најмили.
Улицата Вера Јоциќ има одлична сообраќајна поврзаност со главни улици и булевари, како на пример : бул. Борис Трајковски, ул. Христо Татарчев, ул. Ѓорѓи Димитров, ул. Народни Херои итн. Во близина на објектот се наоѓа средното економско училиште Васил Антевски Дрен, студентскиот дом Пелагонија, основното училиште Партение Зографски, детска градинската Весели Цветови – Мимоза, трговскиот центар Кисела Вода. Во близина има голем број на кафулиња, продавници, пиљари кои работат 24/7, поголеми маркети како Рептил, Веро, Тинекс. Во близина имате и голем број на бутици за облека и чевли, голем број на банки како Стопанска Банка, Шпаркасе Банка, Халк Банка, НЛБ Тутунска банка и други институции кои им се потребни на граѓаните за секојдневно функционирање и сите тие не повеќе од неколку минути пеш. Паркинг просторот е решен со изведба на подземни и надземни паркинг места кои се наменети само за станарите.
Околу објектот има развиена сообраќајна инфраструктура било да одите пеш, со автомобил или да користите јавен градски превоз. Со изборот на локацијата е внимавано станарите да ги имаат сите предности кои ги нуди урбаното живеење.
Објектот е само станбен, наменет за живеење и за издавање. Становите се проектирани со максимално искористена површина, со многу природна светлина и со природна вентилација, особено во кујната. Нема загуба на површини и има вградени елементи на фенг шуи, така што вие, вашите деца и најмили ќе уживате во удобноста на вашиот дом и ќе создавате убави моменти.
Штедете енергија и пари живеејќи во објект проектиран и граден НАВИСТИНА со А класа енергетска ефикасност.